Furni Asia · RFID · 21.09.2026
Yo'l xaritasi SAP dagi haqiqiy qoldiq va tannarxdan hisoblangan: 889 609 pachka, $1 219 891. Hamma narsaga teg yopishtirish $26 688 turadi va kerak emas — quyida qayerda to'xtash kerakligi raqam bilan ko'rsatilgan.
Bitta qo'l skaner, bitta stol o'quvchi (prixodda teg bog'lash uchun), 500 ta namuna teg — oddiy va on-metal aralash. Ko'p olmaymiz: sinov natijasi qaysi teg kerakligini aytadi.
Ombor chizmasi olinadi va haqiqiy yecheyka kodlari yaratiladi (hozir sinov uchun A zonasi 120 ta). Yorliqlar bosiladi va polkalarga yopishtiriladi. Farrux ilovani Demo rejimda o'rganadi — skanersiz ham hamma ekran ishlaydi.
Teg karobka tashqarisiga yopishtiriladi, 3–5 metrdan necha foiz o'qilishi o'lchanadi. Bizning tovar metall: zamok, knopka, teshik. Natija uch xil bo'ladi: >95% — davom etamiz, oddiy teg. 80–95% — metall guruhlarga on-metal teg (2–3× qimmat) qo'shiladi. <80% — faqat karobka darajasida ishlaymiz, yecheyka sanog'i baribir qoladi.
A zonasi: 120 yecheyka, faqat $1 dan qimmat tovarlar, ~5 000 teg. Har kecha sanoq, har kuni SAP bilan solishtirish. Bu yerda birinchi marta ko'rinadi: sanoq necha daqiqa oladi, qancha farq chiqadi, farq haqiqiymi.
04 omborning $1 dan qimmat 260 660 pachkasi teglanadi ($7 820). Prixod oqimi yoqiladi: stol o'quvchi + printer ($1 500) yoki zavoddan kodlangan yorliq. Zaxira skaner ($600). Shu bosqichdan keyin sklad inventarizatsiyasi oyiga bir martadan har kechaga o'tadi.
01/02/03 do'konlarning $1 dan qimmat 40 032 pachkasi ($1 201), har do'konga bitta skaner ($1 800) va kassa USB o'quvchisi ($240). Tortish ikki tomondan skanlanadi — mashina ketmasidan farq ko'rinadi.
Har do'kon eshigiga statsionar o'quvchi. Chek bo'lmasa alarm, jurnalga tovar nomi bilan tushadi. Dastur tayyor — hozir ham qo'l skaner «post rejimida» shu ishni qiladi.
| Tannarx ostonasi | Pachka | % pachka | % qiymat qamrovi | Teg narxi |
|---|---|---|---|---|
| Hammasiga | 889 609 | 100% | 100% | $26 688 |
| $0,50 dan qimmat | 367 555 | 41,3% | 95,9% | $11 027 |
| $1 dan qimmat ← tavsiya | 300 692 | 33,8% | 91,6% | $9 021 |
| $2 dan qimmat | 167 843 | 18,9% | 76,3% | $5 035 |
| $3 dan qimmat | 116 910 | 13,1% | 66,6% | $3 507 |
| $5 dan qimmat | 74 688 | 8,4% | 53,4% | $2 241 |
Pachkalarning uchdan biriga teg yopishtirib, ombor qiymatining 91,6% ini nazorat ostiga olamiz. Qolgan 66% pachka — arzon mayda tovar, ularni teglash tegning o'zidan arzonroq turmaydi. Agar sinov yaxshi chiqmasa yoki pul tig'iz bo'lsa, $3 ostonasidan boshlash mumkin: $3 507 ga qiymatning uchdan ikkisi qamraladi.
| Nima | Soni | Narx | Jami |
|---|---|---|---|
| Qo'l skaner (Android UHF PDA) | 5 ta (sklad 2 + 3 do'kon) | $600 | $3 000 |
| Stol o'quvchi (prixodda teg bog'lash) | 1 ta | $250 | $250 |
| Teg printeri (yoki zavoddan kodlangan yorliq) | 1 ta | $1 500 | $1 500 |
| Kassa USB o'quvchisi | 3 ta | $80 | $240 |
| Darvoza (statsionar o'quvchi) | 3 ta | $750 | $2 250 |
| UHF teg — $1 dan qimmat pachkalarga | 300 692 ta | $0,030 | $9 021 |
| Dastur | tayyor | — | $0 |
| JAMI | 18 hafta | $16 261 |
Taqqoslash uchun: OX System ning 16 pozitsiyali taklifi faqat uskuna uchun $28 162 edi (o'sha jihozlar Alibaba da $15 032), dastur va litsenziya alohida. Bu yerda dastur $0, chunki u allaqachon yozilgan va SAP ga ulangan. Teg — bir martalik emas: har yangi prixodda qayta yopishtiriladi.
| Ish | Hozir | RFID bilan |
|---|---|---|
| Sklad inventarizatsiyasi | Oyiga bir marta, qo'lda, bir necha kun | Har kecha, 10–15 daqiqa |
| Prixod tekshiruvi | Farrux qo'lda sanaydi, varaq suratga tushadi | Skan → zakaz bilan solishtirish → farq darrov |
| Tortish (sklad → do'kon) | Qog'ozda, farq keyin chiqadi | Ikki tomondan skan, mashina ketmasdan ko'rinadi |
| SAP bilan solishtirish | Qo'lda Excel, oyda bir marta | Har 4 soatda avtomat, farq dollarda |
| Kamomad jarimasi | Qo'lda hisoblanadi, bahsli | Sanoqdan avtomat, tovar kesimida |
| O'g'irlik | Ko'rinmaydi | Darvoza chekni tekshiradi, jurnal qoladi |
| «Bu tovar qayerda?» | Qidiriladi | Geiger rejimi signal bilan topadi |
Birinchi qadam
Boshqa hech narsa sotib olinmaydi to metall sinovi natijasi kelguncha. Sinov o'tsa — qolgan $15 361 bosqichma-bosqich, har bosqich o'zi to'lanadigan natijani ko'rsatgandan keyin. O'tmasa — $900 yo'qotiladi, dastur esa karobka darajasida baribir ishlaydi.